VEDTEKTER

 for

 NORDMØRE OG ROMSDAL GJETARHUNDLAG

(Etter mønster frå Vestre Sunnmøre Gjetarhundlag v/ Atle Arnesen, Syvde)

Working Kelpie	Australsk Kelpie
Border Collie

Stifta på Hjelset  24. mai 2002

1. FORMÅL

Laget skal stimulere til auke og betre bruk av gjetarhund ved mellom anna drive informasjonsarbeid, arrangere kurs, treningar og gjetarhundprøver.  For dei lokale sau -og geitavlslaga som ønskjer det, kan laget ta på seg ansvaret som gjetarhundnemnd.

2. MEDLEMSKAP

Alle som er interesserte i gjetarhundarbeid, kan bli medlemar i laget. Stemmerett har dei som har betalt medlemskontigent.

      3.    STYRET

er samansett av 5 personar. Leiaren blir valt særskilt på årsmøtet. Styret konstituerar seg sjølv med nestleiar, kasserar, sekretær og styremedlem.

      4.    ÅRSMØTET

Skal haldast innan utgangen av januar månad.  Saker som medlemane ønskjer å handsame i årsmøtet må vere sendt styret innan utgangen av  desember. Innkallinga med saksliste skal sendast ut minst 10 dagar før møtet. 

Årsmøtet skal handsame følgjande saker:

a) Organisering av møtet. Val av møteleiar, sekretær og to til å underteikne protokollen.

b) Årsmelding

c) Rekneskap

d) Fastsette årskontigenten

e) Val avstyre på 5 personar med:

- leiar for 1 år

- 2 styremedlemar for 2 år

- 3 varamedlemar i rekkjefølgje for 1 år

- 1 revisor for 2 år

f) Innkomne saker

g) Arbeidsplan og budsjett for komande år

      5.    UNDERUTVAL,  KONTAKTPERSONAR

Når styret finn det tenleg, kan det oppnemne underutval som t.d. kontaktpersonar, kvelpeformidlar,  eller til andre oppgåver.

6. VEDTEKTSENDRING

krev 2/3 fleirtal i årsmøtet og må vere nemnt i møteinnkallinga. Framlegg til vedtektsendring må vere kome til styret innan utgangen av desember månad for å kunne takast opp på komande årsmøtet.

7. EKSTRAORDINÆRT ÅRSMØTE

kan krevjast av eit fleirtal av styret eller minst 1/3 av medlemane.

8. OPPLØYSING

av laget kan berre vedtakast av eit ordinært årsmøte og med 2/3 fleirtal.  Eventuelle verdiar som laget skal  overførast til gjetarhundnemnda under Møre og Romsdal sau- og geitavlslag.

9. GODKJENNING

Desse vedtektene vart godkjente på skipingsmøte 24.  05.  2002.