- på beite heile året -

Kort historisk om sauerasen.

"Kjært barn har mange namn" og denne sauen er nok eitt av dei.  Vi ser brukt Norsk ursau eller Vikingesau eller berre Villsau som omgrep på  utegangarsau av denne spesielle rasen.   Det offisielle namnet er etter kvart blitt Gammal norsk kortrova sau eller berre:   GAMMALNORSK  SAU 

 Latin:    Ovis brachyura borealis.

Naturleg er det ikkje heilt klårt kva dei gamle røttene er.  Vi kjenner sauen frå vestlandsøya Hauglo frå mellomkrigstida og i 1956 på øya Selbjørn i Austevoll kommune var rasen på randen av utrydding  - vel 100 dyr. 

Det er truleg noko over 20.000 dyr i Norge,  8 - 10 000 på Vestlandet og 3 - 5 000 dyr i Trøndelag og på nordlanskysten og nokre kring i landet.

Sauene i Møre og Romsdal er i det vesentlege kome frå Austevoll til Tarva, Sør-Trøndelag til Edøya, Smøla og derifrå til Aukra og Molde.  Andre dyr er kome frå Edøya til Straumsnes og så til Molde.  Denne villsauen er slett ikkje vill når den blir fora og gjort til venns med, og er det næraste eit rådyr i sin veremåte og med sitt viltsmakande,  magre kjøtt.

Mat gjerne sauene med  brød,  grønsaker  og liknande

(alt anna enn mat med sukker i)

men hald  hunden  i band (!)

og gå ikkje for nære mor og lite lam på våren.

                                    Mork Utegangar  - tlf. 913 28 046